Den 11. an 18. Oktober si Kleng  (vun 12 Joer u; Kanner musse vun engem Erwuessene begleet ginn a selwer un hirer Kreatioun schaffe kënnen) a Grouss häerzlech invitéiert, un engem intergenerationellen Atelier deelzehuelen, deen Austausch, Entdeckung a Kreativitéit vereent.

Wärend zwee Nomëtteger (vu 14:00 bis 17:00 Auer) léiere mir zesummen, wéi een eng « Halette » bitzt – eng traditionell Kappbedeckung, déi fréier gedroe gouf, fir sech géint d’Sonn ze schützen.

D’« Halette » ass liicht a praktesch, huet Kapp a Schëllere bedeckt, an ee gudde Schutz bei der Aarbecht am Freie gebueden. Gläichzäiteg huet si dat handwierklecht a kulturellt Wëssen erëmgespigelt, dat vu Generatioun zu Generatioun weidergi gouf. Dës Kappbedeckung ass typesch fir d’Sitten a Bräich vun der Muselregioun a gehéiert zur traditioneller Fraebekleedung.

Dëse kreativen Atelier ass eng flott Geleeënheet, fir Brécken tëschent de Generatiounen ze schloen an engem alen Handwierk nei Dynamik ze ginn. Egal ob Dir just ufänkt oder scho méi Erfarung matbréngt – dësen Atelier ass fir jiddereen op! Eis Mediatrice begleet Iech Schrëtt fir Schrëtt, a jidderee geet mat senger eegener Kreatioun Heem.

E klénge Maufel wäert dës zwee gemittlech Nomëtteger ofschléissen.